Мінчанка выліла воцат на галаву мужу-здрадніку. Вось што вырашыў суд
У лютым 63-гадовая жанчына раніцай вярнулася дадому з унучкай з турыстычнай паездкі і заспела свайго мужа з палюбоўніцай у гасцінай, абодва былі аголеныя. Эмоцыі захліснулі жанчыну, яна схапіла бутэльку воцату і выліла на галаву здрадніку.
Медагляд паказаў, што твар і цела пацярпелага былі пашкоджаныя апёкамі агульнай плошчай каля 11%. Ён звярнуўся ў міліцыю. Яго жонку затрымалі, а крымінальную справу перадалі ў суд. Сваю віну яна цалкам прызнала, у зробленым раскаялася, а з пацярпелым памірылася.
— Абвінавачаная працаўладкаваная прыбіральшчыцай у дзяржарганізацыі, раней да крымінальнай адказнасці не прыцягвалася, — распавяла Мінск-навінам старшы памочнік пракурора Партызанскага раёна Маргарыта Вароніч. — Суд пастанавіў вызваліць яе ад крымінальнай адказнасці паводле ч.1 арт. 149 КК («Наўмыснае прычыненне менш цяжкага цялеснага пашкоджання») у адпаведнасці з арт. 89 КК у сувязі з прымірэннем з пацярпелым.
Цяпер чытаюць
Памёр паэт Уладзімір Карызна, аўтар слоў да цяперашняга дзяржаўнага гімна Беларусі4
Каментары