Замест прамых паставак зброі Украіне Еўропа абмяркоўвае варыянт павялічыць падтрымку ўкраінскай абароннай прамысловасці
«Гэта бяспройгрышны варыянт. Для нас гэта танней. І ўкраінцы шмат чаму нас вучаць».
Замест прамых паставак зброі Украіне Еўропа абмяркоўвае варыянт павялічыць падтрымку ўкраінскай абароннай прамысловасці. Пра гэта са спасылкай на еўрапейскага чыноўніка піша The Washington Post.
8 красавіка Еўропа абвясціла аб выдзяленні новага траншу ў памеры мільярда еўра. На сённяшні дзень гэта самая буйная сума, выдзеленая спецыяльна для вытворчасці ўкраінскай артылерыі, — частка з больш чым 20 мільярдаў еўра, якія Еўропа выдзеліць на абаронны сектар Украіны на працягу наступнага года замест простай адпраўкі зброі.
«Па-першае, гэта танней, — сказала Катарына Мацернава, пасол ЕС ва Украіне. — Па-другое, гэта хутчэй. Па-трэцяе, вы скарачаеце транспартныя і лагістычныя выдаткі і час. Па-чацвёртае, гэта дапамагае эканоміцы расці».
Па меры таго як запасы зброі, пастаўленыя за час прэзідэнцтва Джо Байдэна, сканчаюцца, узмацняюцца сумневы ў тым, ці зможа Еўропа цалкам кампенсаваць магчымае спыненне амерыканскай дапамогі, асабліва ў дачыненні да ключавых сродкаў, такіх як сродкі супрацьпаветранай абароны. Еўрапейскі чыноўнік, які пажадаў застацца неназваным, сказаў The Washington Post, што ўсё больш краін прыглядаюцца да мадэлі ўлівання грошай у абаронную прамысловасць Украіны замест паставак зброі, прапаноўваючы больш хуткі шлях, паколькі ўласныя запасы Еўропы вычэрпваюцца пасля паставак зброі Кіеву.
Па словах чыноўніка, стратэгія таксама дазваляе краінам НАТА выкарыстоўваць Украіну ў якасці выпрабавальнага палігона для распрацоўкі зброі, такога як беспілотнікі, у якіх у іх няма такога вялікага вопыту. 155-мм «Багдана» з дальнабойнасцю стральбы ў 40 кіламетраў з'яўляецца першай гаўбіцай украінскай вытворчасці калібра НАТА і можа дапамагчы гарантаваць бяспеку краіны.
«Гэта бяспройгрышны варыянт», — дадаў еўрапейскі чыноўнік. «Для нас гэта танней. Ім трэба вырабляць. І ўкраінцы шмат чаму нас вучаць».
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары
Яшчэ гэтыя рэгіянальныя асаблівасці паспрыяюць утварэнню свайго рэгіянальнага лоббі, якое ўжо не будзе залежаць ад дыскусій з лапідарна адоранымі ў Радах Еўропы ды іншымі да іх падобнымі. Страчваюць сэнс інвестыцыі ў Сербію, Вугоршчыну, Славакію ды розныя германскія альтэрнатывы.
Слабое месца толькі ўразлівасць вытворчасці, але і Еўропе маюцца свае ўразлівасці вытворчасці зброі для Украіны.
З якіх прычын і хто вінаваты цяжкае пытанне.
Той жа КрАЗ, на базе якога змантавана сфатаграфаная "Багдана", экспартаваў свае грузавікі па ўсім свеце, браў удзел у міжнародных гонках, інтэграваўся з IVECO, нешта там рабіў з Тайотай і Фордам, але чым бліжэй да 2022 года, тым больш згортваў вытворчасць і распрацоўкі, і да 2022 года вытворчасць была спыненая, 20 грузавікоў на год, страты і банкруцтва...
Падобная дынаміка не абмінула і Южмаж, а украінскі танк "Оплот" увогуле гісторыя.
Папярэдняе вынішчэнне украінскай прамысловасці і найперш ваеннай прамысловасці - шматгадовая падрыхтоўка да расійскай інтэрвенцыі.
Але вось веру нават ў рэшткі украінскай інжынернай думкі і кваліфікацыю тых, хто яшчэ застаўся.
Спадзяюся.
Украіна была аснова ваенна-прамысловага комплексу СССР са спецыялізацыяй на складаных сістэмах, а не на штампоўцы аўтаматаў ці гусенічных тракаў, і гэта не выпадкова. Такі патэнцыял, як той казаў, не прап'еш, а цвёрдыя таляры - цвёрды аргумент.