З серады ўсе вернікі змогуць развітацца з пантыфікам у саборы Святога Пятра. Само пахаванне адбудзецца ў суботу.
Ягонае цела раніцай перанеслі з капліцы ў рэзідэнцыі Святой Марты. Узначаліў працэсію кардынал Кевін Фарэл — камерленг Рыма-каталіцкага касцёла, паведаміла Прэс-бюро Ватыкана.
Пасля малітвы ў капліцы Дома Святой Марты працэсія прайшла па вуліцах Святой Марты і Першамучанікаў Рыма, пад аркай Звонаў, выйшла на плошчу Святога Пятра і праз цэнтральныя дзверы ўвойдзе ў базыліку.
Ля алтара Споведзі камерленг правёў літургію Слова. Пасля яе завяршэння базыліка адчынілаь дзверы для ўсіх, хто жадае аддаць апошнюю даніну павагі Папу.
Паводле інфармацыі прэс-службы Святога Пасаду, развітацца з Папам Францішкам, які будзе знаходзіцца ў саборы Святога Пятра, вернікі змогуць у сераду да апоўначы, у чацвер — з 7:00 да 24:00, а ў пятніцу — з 7:00 да 19:00.
Пахавальная імша адбудзецца ў суботу а 10:00 па мясцовым часе (11:00 па мінскім часе) на плошчы перад саборам Святога Пятра. Затым пачнецца працэсія ў Вялікую базыліку Найсвяцейшай Панны Марыі ў Рыме, дзе Папа будзе пахаваны згодна з яго завяшчаннем. Папа Францішак да сваёй смерці выказаў жаданне знайсці вечны супакой не ў базыліцы Святога Пятра, як гэта прынята для пантыфікаў, а менавіта ў Вялікай базыліцы Найсвяцейшай Панны Марыі — адным з яго самых улюбёных месцаў.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары