У Гомелі заклалі камень на месцы будучага помніка савецкаму маршалу Канстанціну Ракасоўскаму, паведамілі ў прэс-службе Гомельскага аблвыканкама.
Гомельскія чыноўнікі на месцы будучага помніка
Помнік савецкаму маршалу мае з'явіцца ў абласным цэнтры 26 лістапада, калі будзе адзначацца 82-я гадавіна вызвалення Гомеля ад нямецкай акупацыі.
Савецкі военачальнік удзельнічаў у вызваленні Беларусі, камандуючы падчас аперацыі «Баграціён» у 1944 годзе адным з франтоў.
Адзначаецца, што за вялікі ўклад у вызваленне і аднаўленне разбуранага вайной Гомеля Канстанцін Ракасоўскі ў студзені 1967 года быў першы ўдастоены звання ганаровага грамадзяніна горада. У ягоны гонар таксама ў абласным цэнтры названая вуліца, а на пляцоўцы абласнога музея вайсковай славы пастаўлены бюст.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1313
Каментары