Грамадства66

Літва падала пазоў супраць Беларусі ў Гаагу

Літва падала на Беларусь у Міжнародны суд ААН у Гаазе, абвінаваціўшы рэжым Аляксандра Лукашэнкі ў арганізацыі міграцыйнага крызісу, які парушае нормы міжнароднага права. Пра гэта ў панядзелак паведаміла Міністэрства замежных спраў Літвы, піша LRT.

Лукашэнка выступае перад мігрантамі каля беларуска-польскай мяжы, 26 лістапада 2021 года. Фота: сайт Лукашэнкі

Як паведамляе МЗС Літвы, справа тычыцца парушэння абавязацельстваў дзяржаў па Пратаколе ААН супраць незаконнага ўвозу мігрантаў па сушы, моры і паветры.

«З 2021 года Літва сутыкаецца з беспрэцэдэнтным ростам патоку нелегальных мігрантаў з Беларусі. Доказы, сабраныя літоўскімі ведамствамі, пацвярджаюць прамую датычнасць беларускага рэжыму да арганізацыі патокаў мігрантаў», — гаворыцца ў паведамленні МЗС.

Аб удзеле Мінска сведчыць той факт, што беларускія дзяржпрадпрыемствы павялічылі колькасць авіярэйсаў з краін Блізкага Усходу і іншых рэгіёнаў, арганізавалі выдачу віз і размяшчэнне прыбылых мігрантаў.

Акрамя таго, па прыбыцці ў Беларусь многія мігранты былі скіраваныя да літоўскай мяжы беларускімі сіламі бяспекі і вымушаны перасякаць яе нелегальна — часта ў небяспечных і пагражальных жыццю ўмовах. Паводле звестак МЗС, пагранічныя службы Беларусі, нягледзячы на шматлікія просьбы аб супрацоўніцтве, адмовіліся ўзаемадзейнічаць з літоўскімі ведамствамі з мэтай спынення незаконных перасячэнняў мяжы.

«Літва разглядае гэтыя дзеянні як наўмысную спробу беларускага рэжыму выкарыстаць міграцыю як сродак палітычнага ціску на Літву і Еўрапейскі саюз — у адказ на іх падтрымку беларускай дэмакратыі і санкцыі за парушэнні правоў чалавека», — падкрэсліваецца ў паведамленні.

Паводле звестак МЗС, нягледзячы на інтэнсіўныя двухбаковыя перамовы, спрэчка аб парушэннях Пратакола не была ўрэгулявана, таму Літва ў панядзелак звярнулася ў Міжнародны суд ААН, патрабуючы прыцягнення Беларусі да адказнасці ў адпаведнасці з міжнародным правам.

Патрабаванні Літвы ўключаюць поўную кампенсацыю прычыненай шкоды, уключаючы выдаткі на будаўніцтва сцяны, а таксама гарантыі таго, што дзеянні, што супярэчаць міжнароднаму праву, не паўторацца.

Паводле звестак Службы аховы дзяржаўнай мяжы Літвы, з пачатку міграцыйнага крызісу літоўскія памежнікі прадухілілі 23,6 тыс. выпадкаў нелегальнага пранікнення іншаземцаў у краіну з Беларусі. Адны і тыя ж асобы спрабуюць незаконна перасякаць мяжу неаднаразова.

Каментары6

  • Федзя
    19.05.2025
    Вот тут-то литовцев ждет большой сюрприз!))))
  • Трапна
    19.05.2025
    Николай, языком пра Гаагу ляпаць - не цягнікі спыняць. Хутка і Гаагу тую распусцяць, а яны ўсё будуць енчыць “не шмагла, бо суд знік”. Прыдумаюць стварыць чарговы “трыбунал”, абы грошы мыць далей на гэтай справе і ні за што не адказваць.
  • Літвін
    19.05.2025
    А як наконт акупацыі Віленшчыны з 1939 году? Тое, што Сталін падараваў нашую зямлю жмудзінам, якія скралі не толькі наш герб, але і нашую гісторыю, не робіць яе іхняй. Што там наконт пазова да летувусаў?

    На жаль у нашым грамадстве большасці пляваць не толькі на мову, але й на скрадзеную спадчыну. Таму мы й маем, што маем.

Цяпер чытаюць

У Беларусі вырастуць цэны на некаторыя аўтамабілі, а выбар стане меншым. Вось чаму4

У Беларусі вырастуць цэны на некаторыя аўтамабілі, а выбар стане меншым. Вось чаму

Усе навіны →
Усе навіны

Легенда пра святога Пятра Міронавіча48

45 гадоў таму ў аўтакатастрофе разбіўся Пятро Машэраў23

Упершыню ў гісторыі жанчына можа стаць прэм'ер-міністрам Японіі4

Расійскі мастак знішчыў працу беларускай мастачкі на выставе ў Берліне24

Сыны «літоўскага шпіёна» адправілі Лукашэнку ліст. Тым часам усплылі новыя дэталі яго справы20

Змены ў закон: бяспраўнікаў падзеляць на некалькі катэгорый, а п'яных пешаходаў пачнуць штрафаваць без папярэджання3

У міліцыі пракаментавалі дзіўнае відэа з «дзявяткай» на беларускіх нумарах9

У Якуцку забітыя ўдава і малы сын мясцовага палітыка, які загінуў ва Украіне — падазраюць 16‑гадовую дачку3

Новы сімвал супраціву пакалення зумераў: «Вясёлы Роджэр» з анімэ3

больш чытаных навін
больш лайканых навін

У Беларусі вырастуць цэны на некаторыя аўтамабілі, а выбар стане меншым. Вось чаму4

У Беларусі вырастуць цэны на некаторыя аўтамабілі, а выбар стане меншым. Вось чаму

Галоўнае
Усе навіны →

Заўвага:

 

 

 

 

Закрыць Паведаміць