Пра намер кітайскага брэнда Changan вярнуцца ў Беларусь паведамлялася ўжо не аднойчы. Так, у мінулым годзе топ-менеджар кітайскай маркі Хэ Дзінфу заяўляў, што да канца 2024-га «Чанань» адназначна з'явіцца ў краіне з лінейкай новых аўтамабіляў. Але тады гэтага не здарылася.
5 чэрвеня ў Мінску адбылася прэс-канферэнцыя, на якой паведамілі, што брэнд вяртаецца, піша av.by.
Першымі на айчынны рынак прыбудуць мадэлі прэміяльнай лінейкі Uni. Афіцыйным дыстрыб'ютарам маркі стане ТАА «Лазанж».
«Па папярэдніх даных, у нас кошт аўтамабіляў маркі будзе на 30% ніжэйшы, чым у расійскіх прайс-лістах», — адзначыў прадстаўнік дыстрыб'ютара.
Да прыкладу, у Расіі цана мадэляў CS вар'іруецца прыблізна ад 23 000 да 48 000 даляраў у эквіваленце, Uni — ад 26 400 да 46 240.
Аўтамабілі Changan стануць пастаўляць да нас наўпрост з КНР.
Варта адзначыць, што першыя аўтамабілі Changan з'явіліся ў нас яшчэ ў 2017-м. Спачатку кампактны красовер CS35 спрабавалі рэалізоўваць у аўтацэнтры «РэдМотарс». Аднак нават з цаной менш за $15 000ь»Чанань» не заваяваў сэрцы і кашалькі беларусаў. Цікавасць да кітайскага «паркетніка» паступова згасала, а потым і зусім сышла на нішто: апошнія машыны распрадалі ў канцы 2018-га, новую партыю завозіць не планавалі, саступіўшы паўнамоцтвы дылера брэнду іншай кампаніі — ТАА «Аптымальны Транспарт». Але і там вынікі, мякка кажучы, пакідалі жадаць лепшага. Па афіцыйных даных, з 2017 па 2020 год сіламі дзвюх фірмаў прададзена каля 300 машын.
У лютым 2020-га за Changan вырашылася ўзяцца кампанія «Мультымотарс». Да канца года стараннямі двух дылераў планавалася рэалізаваць 1 000 аўтамабіляў. Больш за тое, у чэрвені 2020-га ў Беларусі, на СП ЗАТ «Юнісан», стартавала вытворчасць красовера CS35 Plus, а таксама CS75 FL. Нягледзячы на тое, што першапачаткова планы на айчыннае прадпрыемства былі вялікімі, зборку спынілі ўжо праз чатыры месяцы.
Дакладна прычына прыпынення вытворчасці Changan у Беларусі невядомая, аднак, паводле інфармацыі выдання «Кітайскія аўтамабілі», на гэта магло паўплываць скарачэнне рэалізацыі «Чананей» не толькі ў нас у краіне (за 7 месяцаў 2021 года, паводле звестак БАА, набыта тры машыны), але і ў РФ.
Усяго ж, па афіцыйных звестках, у 2020-м кампанія рэалізавала ў Беларусі дзевятнаццаць машын, у 2021-м — тры.
Цяпер чытаюць
Учора Мінск зноў затапіла. Чаму сталіца не гатовая да дажджоў?4
Каментары