У першым матчы на новым футбольным стадыёне беларуская зборная ўчыстую прайграла Расіі
У сваім першым матчы на ўрачыста адкрытым толькі ў суботу Нацыянальным футбольным стадыёне зборная Беларусі па футболе пацярпела буйную паразу ад Расіі з лікам 1:4.
Асабліва вызначыўся форвард маскоўскага «Дынама» Яраслаў Гладышаў, які забіў усе чатыры галы ў вароты беларусаў. Прычым тры з іх ён забіў яшчэ ў першым тайме, а чацверты — неўзабаве пасля пачатку другога — на 52-й хвіліне. Адзіны гол у адказ за Беларусь на 54-й хвіліне забіў Вадзім Пігас.
Гэта была ўжо чацвёртая гульня беларускай зборнай у 2025 годзе. У трох папярэдніх матчах каманда пад кіраўніцтвам іспанскага трэнера Карласа Алоса перамагала.
Каментары