Грамадства77

Час праезду беларуска-літоўскай мяжы аўтобусамі павялічыўся да 10-12 гадзін

У пункце пропуску «Каменны Лог» («Меднікі») істотна павялічыўся час перасячэння беларуска-літоўскай мяжы пасажырскімі аўтобусамі. Карыстальнікі тэматычных тэлеграм-чатаў паведамляюць, што чакаць праезду даводзіцца аж да 12 гадзін, што нетыпова для гэтага памежнага пераходу, піша «Люстэрка».

Як пішуць у тэлеграм-чатах пасажыры аўтобусаў, якія знаходзяцца на беларуска-літоўскай мяжы, час праезду ў апошнія суткі істотна вырас.

— Чакаць трэба блізу 10-12 гадзін на самой мяжы, — сцвярджае адзін з іх.

— Выехалі з Мінска рэйсавым аўтобусам «Экалайнс» а 4-й гадзіне раніцы. Цяпер 10:48, і мы ўсё яшчэ не заехалі на беларускі пункт пропуску, — піша іншы.

У чатах таксама пішуць, што праз затрымкі некаторыя пасажыры спазняюцца на запланаваныя авіярэйсы з Вільні.

— Тыя, хто спазняюцца на самалёты, спрабавалі падсесці ў аўтамабілі, але іх ніхто не ўзяў, — сцвярджае адзін з карыстальнікаў. — У аўтобусы бяруць, але гэта ўсё роўна вельмі доўга, і сэнсу ў гэтым няма.

Пасажыры ўпэўненыя, што доўгае чаканне праезду звязана з павольнай працай службаў Літвы.

— Чарга створаная штучна кіраўнікамі літоўскага пункта пропуску, — упэўненая адна з беларусак. — Не магу зразумець, як доўга яны будуць прытрымлівацца палітыкі «італьянскага страйку». Таму закладвайце час па песімістычным сцэнары.

Пасажыр аўтобуса, які выехаў з Мінска ў чацвер а 21.45 і перайшоў мяжу а 10-й раніцы пятніцы, кажа аб паглыбленых праверках памежнікаў і мытнікаў.

— Літоўскія памежнікі доўга правяралі тых, у каго былі польскія візы — ім задавалі шмат пытанняў, — паведамляе мужчына. — Мытнікі таксама даглядалі даўжэй, чым звычайна. Але прысмакі не выкідалі, толькі алкаголь і цыгарэты.

«Люстэрка» папрасіла пракаментаваць сітуацыю Службу аховы дзяржаўнай мяжы пры Міністэрстве ўнутраных спраў Літвы. Там пацвердзілі павелічэнне часу, які патрабуецца для праезду аўтобусаў у гэтым пункце пропуску (адным з двух, якія працягваюць працу, на беларуска-літоўскай мяжы).

— Апошнім часам чэргі на кантрольна-прапускным пункце «Меднікі» павялічыліся ў сувязі са зменай патоку падарожнікаў, — паведаміў дарадца аддзела камунікацый Андрус Яроцкас. — У летні сезон колькасць асоб, якія перасякаюць дзяржаўную мяжу, значна павялічылася. Акрамя таго, адзначаецца значнае павелічэнне колькасці двухпавярховых аўтобусаў. Гэтыя абставіны прыводзяць да павелічэння часу надгляду транспарту і пасажыраў.

Адзначым, што, паводле інфармацыі Дзяржаўнага памежнага камітэта Беларусі, паводле стану на 12.00 пятніцы, у пункце пропуску «Каменны Лог» (гэта значыць на беларускім баку мяжы) чакалі ўсяго чатыры пасажырскія аўтобусы.

Каментары7

  • %
    20.06.2025
    Гэта зусім не навіна. Магу нагадаць што рабілась калі яны (летувісы) проста бясконцай плыньню ездзілі за палівам, якія тады былі чэргі (у той і адваротны бок). Потым увесь час у іх "псуюцца" кампутары, раптам "ламаюцца" прылады для рентгену. Што толькі не зробіш для "паважаных суседзяў" якіх яны так "любяць"
  • Когда этот колхоз закончится?
    20.06.2025
    Как же совки любят страдать. Сначала страдали в совке, что машин нет. Теперь, накупили этот геморрой на колесах из прошлого века, завалили ими каждй квадратный метр, и стоят в очереди 1800 машин на границе. Другие, самые умные, накупили бомж туров, аж на целых 15% дешевле, чем лететь из Москвы, и хотят, чтобы их обслуживали как королей. Мучайтесь на здоровье, колхозавры.
  • Жора
    20.06.2025
    Які файны беларусафобскі камент - і да такога цэнзар (які таксама, напэўна, беларус?) прэтэнзій не мае.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Спявачку Мэрыем Герасіменка на працягу двух гадоў збіваў муж18

Спявачку Мэрыем Герасіменка на працягу двух гадоў збіваў муж

Усе навіны →
Усе навіны

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў2

Макрон заявіў пра гатоўнасць адправіць ва Украіну 50 тысяч вайскоўцаў5

У Навагрудку падпісалі дамову аб стварэнні Беларускага музея Халакосту4

Застрэлены ў Кіеве палкоўнік СБУ кіраваў групай, якая ліквідавала «Матаролу»1

Канапацкая едзе ў Літву на аўтобусе падаваць заяву ў Дэпартамент дзяржбяспекі ФОТАФАКТ68

больш чытаных навін
больш лайканых навін

Спявачку Мэрыем Герасіменка на працягу двух гадоў збіваў муж18

Спявачку Мэрыем Герасіменка на працягу двух гадоў збіваў муж

Галоўнае
Усе навіны →

Заўвага:

 

 

 

 

Закрыць Паведаміць