Расія нанесла ракетны ўдар па ўкраінскім палігоне. Ёсць забітыя і параненыя
У выніку расійскага ўдару па трэніровачным палігоне Узброеных сіл Украіны загінулі як мінімум трое чалавек, яшчэ 11 атрымалі раненні.
Пра гэта паведаміла камандаванне Сухапутных войск Украіны.
Паводле інфармацыі прэс-службы, удар быў нанесены ўдзень 22 чэрвеня па палігоне адной з механізаваных брыгад падчас правядзення заняткаў з асабовым складам.
«Дзякуючы своечасова адпрацаваным мерам бяспекі пры атрыманні сігналу паветранай трывогі ўдалося пазбегнуць масавых страт асабовага складу. Аднак, на жаль, ёсць загінулыя і параненыя. Усе пацярпелыя аператыўна атрымліваюць усю неабходную кваліфікаваную дапамогу ў медыцынскіх установах», — гаворыцца ў паведамленні.
Дзе менавіта адбыўся ракетны ўдар, ваенныя не ўдакладняюць. У тэлеграм-канале «Николаевский Ванёк», які звязваюць з адміністрацыяй Мікалаеўскай вобласці Украіны, сцвярджаецца, што гаворка ідзе менавіта пра гэты рэгіён.
Паводле папярэдніх даных, удар быў нанесены ракетай «Іскандэр-М».
Камандаванне УСУ абвясціла пра стварэнне спецыяльнай камісіі, якая зоймецца дэталёвым высвятленнем абставін інцыдэнту.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам16
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары