У турэцкім горадзе Манаўгат, які знаходзіцца на міжземнаморскім узбярэжжы, леў уцёк з заапарка Land of Lions і напаў на чалавека. Інцыдэнт адбыўся ўначы 6 ліпеня 2025 года.
Леў па імені Зеўс вырваўся з вальера і праз некалькі гадзін напаў на 53-гадовага фермера Сулеймана Кіра, які спаў на вуліцы пасля заканчэння паліву фісташкавых дрэў.
Мужчына пачуў шоргат, падняў коўдру — і леў скокнуў на яго. Кір расказаў, што змагаўся з драпежнікам, нават схапіў яго за шыю, пасля чаго той крыху адбег.
Паліцыя, якая шукала звера, пачула шум і спалохала льва стрэламі ў паветра. Пазней жывёліну знайшлі з дапамогай дронаў у лесе недалёка ад месца здарэння і застрэлілі.
Сулеймана Кіра даставілі ў шпіталь з траўмамі галавы, пляча і ног. Цяпер праводзіцца расследаванне, каб высветліць, як ільву ўдалося ўцячы.
У заапарку Land of Lions жывуць больш за 30 львоў, а таксама іншыя драпежнікі, у тым ліку тыгры, мядзведзі і ваўкі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары