Аляксандр Лукашэнка 18 ліпеня 2025 года падпісаў указ № 282, які ўносіць змены ў ранейшы ўказ № 434 ад 14 жніўня 2001 года. Гэты новы дакумент увядзе дадатковыя меры па забеспячэнні Узброеных Сіл і іншых вайсковых фарміраванняў транспартнымі сродкамі, уключаючы беспілотнікі, якія будуць выдзяляцца дзяржаўнымі органамі і арганізацыямі падчас мабілізацыі і ў ваенны час.
Цяпер вайскова-транспартны абавязак распаўсюджваецца не толькі на дзяржаўныя органы, але і на іншыя арганізацыі і нават на грамадзян, якія атрымалі транспарт па дамове фінансавага лізінгу.
Акрамя таго, удакладняецца, як будуць вызначацца мабілізацыйныя заданні для пастаўшчыкоў транспарту і як іх улічваць падчас мабілізацыі.
Мінабароны нададзеныя паўнамоцтвы па вызначэнні спісаў запасных частак, інструментаў і інвентару, неабходных для працы пастаўляемых транспартных сродкаў.
Кантроль за выкананнем вайскова-транспартнага абавязку будзе ажыццяўляць Савет Міністраў.
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20
Каментары