У Слонімскім раёне жорстка забіты дзве пенсіянеркі
Адзін з падазраваных забойцаў затрыманы.
У Слонімскім раёне (Гродзенская вобласць) учынена двайное забойства.
Жудаснае забойства днямі адбылося на хутары паміж вёскамі Сурынка і Забулле Слонімскага раёна, піша «Газета Слонімская». Невядомыя ноччу прыйшлі на хутар, дзе ў доме жылі дзве жанчыны-пенсіянеркі Ніна і Яўгенія Навумчык.
Па словах сваякоў жанчын і вяскоўцаў, бандыты праз акно залезлі ў дом да хутаранак і, магчыма, запатрабавалі ў іх грошы. Але, мусіць, нічога каштоўнага яны не атрымалі, бо ў пакоях перавярнулі ўсё дагары нагамі. Што ім удалося знайсці і забраць, пакуль невядома. Пасля ўсяго забойцы зарэзалі жанчын і зніклі.
Па словах жыхароў суседніх вёсак, сёстры Навумчык трымалі добрую гаспадарку: карову, авечак, курэй. Рабаўнікі да іх на хутар прыходзілі неаднойчы, мяркуючы, што ў іх ёсць грошы. Але жанчынам неяк удавалася ад нечаканых гасцей адбіцца. Аднойчы пенсіянеркі на дапамогу выклікалі міліцыю.
На гэты раз бандыты дзейнічалі нахабна і жорстка.
Мёртвых жанчын раніцай знайшоў мясцовы малаказборшчык, які прыехаў па малако, але на панадворку нікога не было. Ён зайшоў у хату, дзе і ўбачыў забітых жанчын. Хутка выклікаў міліцыю, якая цяпер шукае забойцаў.
Як паведамляе БелаПАН, ва ўчыненні забойства з карыслівых мэтаў падазраюцца раней судзімы 41‑гадовы жыхар Слоніма і 20‑гадовы жыхар вёскі Бабынічы.
Малодшы з іх затрыманы.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы11
Каментары