Вечарам 30 ліпеня ў Барысаўскую цэнтральную раённую бальніцу быў дастаўлены аднагадовы хлопчык з тэрмічнымі апёкамі. Цяпер ён знаходзіцца ў рэанімацыі, пра гэта «Мінскай праўдзе» паведамілі ва УСК па Мінскай вобласці.
Маці перакладала пяльмені з рондаля ў талерку, калі малы раптам падышоў да яе. Жанчына не ўтрымала посуд з гарачай вадкасцю, і ён перакуліўся на дзіця. Яна неадкладна выклікала хуткую дапамогу.
Хлопчыка адразу ж даставілі ў бальніцу. Медыкі дыягнаставалі тэрмічныя апёкі правага боку твару, рукі і грудной клеткі — прыблізна 10—12% паверхні цела, апёкі 1-й, 2-й і часткова 3-й ступені.
Каментары