Звярнулася 11 ліпеня, запісалі на 22 верасня. У Жодзіне абмяркоўваюць чэргі ў бальніцу
Жыхары Жодзіна паднялі пытанне аб даступнасці планавай медыцынскай дапамогі. Нагодай стала гісторыя гараджанкі, якая сутыкнулася з доўгім чаканнем лячэння ў дзённым стацыянары, піша Ex-press.live.
«Хачу падняць пытанне па медыцыне. У мяне ўзнікла неабходнасць падлячыцца. Мінскі кардыёлаг парэкамендаваў кропельніцы. Да доктара ў Жодзінскай паліклініцы я звярнулася 11 ліпеня. Мяне запісалі на дзённы стацыянар толькі на 22 верасня. Чарга — 2,5 месяца. Пытанне да галоўнага ўрача ЦГБ: ці можна пашырыць дзённы стацыянар, калі ў людзей ёсць патрэба ў лячэнні і прафілактыцы захворванняў?» — запыталася гараджанка ў гарадскім чаце.
У адказ на зварот Жодзінская цэнтральная гарадская бальніца дала афіцыйны каментар:
«У рамках дзённага стацыянара аказваецца планавая медыцынская дапамога. Пастановай Міністэрства аховы здароўя Рэспублікі Беларусь ад 16.08.2023 года ўстаноўлены тэрмін яе чакання — не больш за 90 рабочых дзён. Пры неабходнасці экстраннай дапамогі пацыента шпіталізуюць у стацыянар. Таксама паведамляем, што з 1 жніўня дзённы стацыянар ЦДБ, размешчаны ў паліклініцы, будзе працаваць у дзве змены».
Аднак гараджане мяркуюць, што галоўная праблема — не ў памяшканні або абсталяванні, а ў недахопе кадраў:
«У нас не памяшканняў не хапае, а кадраў».
«У нас няма каму працаваць».
Жыхары горада задаюцца пытаннем, якія крокі робяцца для паляпшэння сітуацыі:
«Пытанне тады да ўладаў горада і галоўнага доктара. З чым гэта звязана і што робіцца, каб кадры запоўнілі нішу?»
На гэта пытанне ў Жодзінскай ЦГБ таксама далі адказ:
«З 1 жніўня ў горад для працы ў ЦГБ прыйдуць 11 дактароў і 15 спецыялістаў з сярэдняй медыцынскай адукацыяй».
Аднак гараджане настроеныя скептычна:
«А колькі спецыялістаў з наяўных сыдзе на 1 жніўня? Не думаю, што моцна нешта зменіцца ў бягучай сітуацыі».
Паводле афіцыйных звестак за май 2024 года, агулам у Жодзіне забяспечанасць кадрамі складае 96,2%, пры гэтым у ахове здароўя — 98,6%.
Жанчыну-пульманолага з 30-гадовым стажам адправілі ў калонію па трох палітычных артыкулах
«Белфармацыя» назвала фэйкам інфармацыю пра нібыта недахоп лекаў у краіне
Сярэдні заробак дактароў дасягнуў 4100 рублёў «бруднымі»
«Выйшаў з бальніцы з дзвюма адкрытымі ранамі». Беларусу ў Польшчы зрабілі аперацыю, а праз два дні выпісалі
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары