У параненых множныя мінна-выбуховыя траўмы канечнасцяў, галавы, брушной поласці.
Расія ўдарыла авіябомбамі па аўтавакзале ў Запарожжы, у выніку чаго пацярпелі 20 чалавек.
Удар здарыўся 10 жніўня а 18-й гадзіне, паведаміў кіраўнік Запарожскай абласной ваеннай адміністрацыі Іван Фёдараў.
У параненых множныя мінна-выбуховыя траўмы канечнасцяў, галавы, брушной поласці. Сярод пацярпелых людзі розных узростаў — ад 24 да 77 гадоў.
У 22:23 аварыйна-выратавальныя работы на месцы абстрэлу былі завершаны.
«У выніку здарэння пацярпелі 20 чалавек, аднаго з іх ратавальнікі дэблакавалі з-пад завалаў разбураных канструкцый. Колькасць пацярпелых удакладняецца», — гаворыцца ў паведамленні ратавальнікаў.
Яшчэ адзін удар быў нанесены па ўніверсітэцкай клініцы Запарожскага медыцынскага ўніверсітэта. Пацярпелых там няма.
У выніку ўдару па Запарожжы пашкоджаны таксама 7 шматкватэрных дамоў.
Хто з беларусаў трапіў на прыём да прэзідэнта Польшчы ШМАТ ФОТА10
Каментары