Больш за 116 тысяч грамадзян Беларусі працавала ў Польшчы ў лютым
Больш за 116 тысяч грамадзян Беларусі працавала ў Польшчы ў лютым. Гэта вынікае з даных Галоўнага статыстычнага ўпраўлення Польшчы, апублікаваных сёння, піша Reform.news.
Усяго ў Польшчы па стане на апошні дзень лютага працавала 1,057 млн замежных грамадзян. Іх колькасць вырасла на 5,3% у параўнанні з мінулым годам.
Паводле даных ГСУ, грамадзяне Беларусі складалі 11% ад агульнай колькасці замежнікаў, што працуюць у Польшчы, або крыху больш за 116 тыс. чалавек. Найбольш шматлікай групай замежных работнікаў былі грамадзяне Украіны — на іх прыпадала 67%.
У тлумачэннях ГСУ адзначаецца, што ў гэты статыстычны агляд уваходзяць асобы, якія працуюць па працоўных дамовах, дамовах даручэння (zlecenia) і падобных па характары дамовах. У іх не ўключаюцца тыя, хто працуе па дамовах падраду (o dzieło) і дамовах аб дапамозе пры зборы ўраджаю.
Трэба адзначыць, што пры гэтым у сістэме польскага сацыяльнага страхавання на канец лютага было зарэгістравана большая колькасць грамадзян Беларусі — больш за 133 тыс. чалавек. У сістэму сацстрахавання работнік, які плаціць адпаведныя ўзносы, можа ўносіць таксама членаў сваёй сям’і
Цяпер чытаюць
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі23
Каментары