У Лельчыцах мужчына захацеў ашчадзіць на корме для сабак і моцна памыліўся
У чэрвені жыхар Лельчыц даведаўся, што падчас сельгасработ каля вёскі Вусаў была выпадкова параненая казуля. Ён вырашыў забраць тушу загінулай жывёлы сабе на корм сваім сабакам, паведаміла прэс-служба пракуратуры Гомельскай вобласці.
Але ўжо па дарозе дадому з трафеем мужчыну спынілі інспектары аховы жывёльнага і расліннага свету. Пры праверцы багажніка яны знайшлі тушу, а па беларускім законе перавозіць загінулых дзікіх жывёл без спецыяльных дакументаў нельга. Казуля лічыцца відам, на які вызначаныя строгія нормы палявання і абыходжання, таму парушэнне разглядаецца як сур’ёзнае правапарушэнне.
Шкоду прыродзе ацанілі ў 120 базавых велічынь (5040 рублёў). На судзе мужчына прызнаў віну. Лельчыцкі раённы суд прызначыў яму штраф у 30 базавых велічынь (1260 рублёў) і канфіскаваў аўтамабіль Ford Transit, якім перавозілі тушу. Машына перайшла ў ўласнасць дзяржавы.
Цяпер чытаюць
Дзе была зніклая Яна ў свой апошні дзень і дзе яе знайшлі КАРТА5
Каментары