Z-ваенкар Сцешын ледзь не страціў зрок — у яго ў рагавіцы выявілі амёб, што з’ядаюць вочы
Z-ваенкар Дзмітрый Сцешын ледзь не аслеп. У яго ўсё пачалося з моцнай слязлівасці і вострай рэакцыі на святло, а пасля яго стан рэзка пагоршыўся. Як пазней растлумачыў доктар, прычына хваробы — амёбы, якія праніклі ў рагавіцу вока і літаральна яе елі.
Па словах журналіста, інфекцыю ён мог падчапіць у Данецку. Ён абмываў твар вадой, якую спецыяльна пакідаў у цёплым месцы, каб сагрэць — у такой вадзе маглі размножыцца бактэрыі. Праблема з вадой у Данецку асабліва востра стаіць з сярэдзіны мінулага месяца — яе не хапае.
«Апошні месяц ваду для Данецка выскрабалі па закутках, так што не факт, што вінаваты нейкі лайфхак. Яна проста не прыдатная ні для мыцця, ні для піцця. І іншай няма», — напісаў Сцешын.
Доктар паставіў яму дыягназ — «акантамебны кератыт». «У цябе пад павекамі сядзяць амёбы і натуральна жаруць рагавіцу вока, кавалкамі…» — патлумачыў доктар.
Паводле яго слоў, гэта рэдкае захворванне, пры якім у рагавіцу вока пранікаюць амёбы Acanthamoeba. Гэта можа прывесці да незваротных парушэнняў зроку або слепаты.
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары
Всем адекватным украинцам терпения и сил