З 1 верасня ў Беларусі вырасце кошт праезду па платных дарогах. Адпаведнае рашэнне зацверджана Міністэрствам транспарту і апублікавана на Нацыянальным прававым інтэрнэт-партале.
Здымак ілюстрацыйны. Фота: Анлайнер
Найбольш прыкметна падаражанне закране ўладальнікаў грузавікоў з масай больш за 3,5 тоны. Аплата за кіламетр складзе:
- для машын з дзвюма восямі — 0,117 еўра (+2,6%);
- з трыма восямі — 0,146 еўра (+2,8%);
- з чатырма і больш восямі — 0,176 еўра (+2,9%).
Для легкавых аўто і лёгкага камерцыйнага транспарту (да 3,5 тоны) кошт 15-дзённай віньеткі застанецца ранейшым — 20 еўра. Затое 30-дзённая падаражэе з 31 да 32 еўра, а гадавая — са 107 да 110 еўра.
Перагледзелі і штрафы:
- для легкавых машын разавы штраф за поўную неаплату застанецца 14 еўра;
- для грузавікоў — павялічыцца з 36 да 37 еўра;
- за частковую аплату для цяжкага транспарту — з 18 да 18,5 еўра.
Папярэдняе павышэнне цэнаў на платных дарогах адбывалася ў верасні мінулага года.
Цяпер чытаюць
Мінская фатографка трапіла ў страшную аварыю на самакаце ў Дубаі. Яна праляжала ў коме 14 дзён5
Мінская фатографка трапіла ў страшную аварыю на самакаце ў Дубаі. Яна праляжала ў коме 14 дзён
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары