Беларускае прадпрыемства «БКМ Холдынг» сумесна з расійскімі партнёрамі працуе над стварэннем беспілотнага трамвая. Як паведаміў генеральны дырэктар кампаніі Тарас Мурог, першасныя тэсты плануюць правесці ў Мазыры, піша БелТА.
У Мінску ўжо ўкаранёны першы ўзровень дапамогі кіроўцу (сістэма ADAS) на 20 трамваях — яна распазнае прадметы, пешаходаў, святлафоры, абмежаванні хуткасці. Па словах Мурога, тэхніка падрыхтавана да далейшага ўкаранення ШІ, хаця сама яшчэ ім не абсталявана.
«Сёння любое дыспетчарскае дэпо пры неабходнасці можа дыстанцыйна, праз Wi-Fi, атрымліваць усю неабходную інфармацыю ў адпаведнасці з тэхнічным заданнем — ад напружання батарэі да выяў з камер. Што тычыцца ўкаранення штучнага інтэлекту, дык, як і ў іншых сферах, гэта ў першую чаргу юрыдычнае пытанне, а не тэхнічнае», — пракаментаваў Мурог.
Таксама прадпрыемства плануе стварыць трамвай, які пры адключэнні пантографа зможа праехаць каля 20 км на батарэі, як тралейбус.
Цяпер чытаюць
Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў79
Каментары