«Я ніколі так хутка не бег». Магілёвец падчас начной рыбалкі сутыкнуўся з ваўчынай зграяй
Ваўкі нападаюць на чалавека толькі ў выключных выпадках, тым не менш блізкая сустрэча з гэтымі драпежнікамі пакідае незабыўныя ўражанні.
Сведкам начнога палявання ваўчынай зграі непадалёк ад вёскі Чачэвічы ў Быхаўскім раёне Магілёўскай вобласці стаў 42‑гадовы жыхар Магілёва Сяргей. Тая ноч у яго памяці застанецца надоўга, піша ByFishingBY.
«Быў на рацэ Друць. Разлічваў рыбачыць па начах, але пайшло ўсё па-іншаму… У раёне дзевяці вечара чую ззаду шум, спачатку падумаў, што яшчэ хтосьці прыехаў на рыбалку. Потым трэск кустоў… і ўсё гэта нясецца на мяне. Я аж прыгнуўся ў крэсле. Потым чую: у метрах 25—30 правей ад мяне нейкі звер скокнуў у ваду, потым яшчэ тры, але ўсплёскі былі цішэйшыя. Уключыў ліхтарык — тры ваўкі.
Было такое адчуванне, што топяць казу або ласяня па цэнтры ракі. Прыйшлося дастаць фідэр, каб не заблыталі.
Я свяціў ліхтаром, крычаў, біў палкай па вадзе, але яны на мяне не зважалі. Пазней, калі прыдушылі здабычу, сталі плысці да майго берага… Я ніколі так хутка не бег да машыны», — расказаў Сяргей.
Па словах рыбалова, у тую ноч ён больш не рыбачыў і да раніцы баяўся выйсці з аўтамабіля. На наступныя суткі ў яго хапіла смеласці парыбачыць да часу ночы, але «падскокваючы ад кожнага шораху». Пры гэтым Сяргей усё ж злавіў ляшча і трох даволі буйных падлешчыкаў, не лічачы драбязы.
Калі адбылося здарэнне, выданне не піша.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары