Чарнобыль не дае пра сябе забыць. У грыбах з Веткі радыяцыя перавышала норму ў 82 разы
У кастрычніку ў 13 раёнах Гомельскай вобласці былі зафіксаваны значныя перавышэнні нормаў цэзію-137 у грыбах.
У кастрычніку падраздзяленні радыяцыйнага кантролю тэрытарыяльных цэнтраў гігіены і эпідэміялогіі Гомельскай вобласці правялі даследаванне 1108 проб харчовых прадуктаў і 102 проб вады на ўтрыманне цэзію-137.
Перавышэнні нарматываў зарэгістраваныя ў Брагінскім, Веткаўскім, Гомельскім, Добрушскім, Ельскім, Калінкавіцкім, Кармянскім, Лельчыцкім, Лоеўскім, Нараўлянскім, Рэчыцкім, Светлагорскім і Хойніцкім раёнах.
Так, пры нарматыве 500 Бк/кг утрыманне цэзію-137 у пробах грыбоў і прадуктаў іх перапрацоўкі склала ад 528 (Лоеўскі раён) да 41 444 Бк/кг (Веткаўскі раён).
Пры нарматыве 2500 Бк/кг, узровень утрымання цэзію-137 у пробах грыбоў сушаных склаў 6482 Бк/кг (Калінкавіцкі раён).
Праведзеныя даследаванні 145 проб вады і харчовых прадуктаў на ўтрыманне стронцыю-90, перавышэння нарматываў не ўстаноўлена.
Правесці лабараторныя даследаванні прадукцыі можна ў тэрытарыяльным цэнтры гігіены і эпідэміялогіі. Даследаванні для насельніцтва праводзяць бясплатна. Аб'ём пробы дзікарослай прадукцыі, якая даецца для даследавання, павінен складаць не менш за 0,5 л (для сухіх грыбоў не менш за 100 г).
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары
Цяпер іх прыбралі і гэтыя галодныя машыны на абочынах кідаюць і па лесе нешта збіраюць.