Міністр унутраных спраў Іван Кубракоў падчас калегіі МУС 21 лістапада даручыў міліцыі правесці праверкі ўсіх беспрацоўных, асабліва ў сельскай мясцовасці, і дамагчыся іх працоўнага ўладкавання.
«Усе, хто не працуе, асабліва ў сельскай мясцовасці, павінны быць адпрацаваныя ўчастковым інспектарам міліцыі. Вы адразу ўбачыце: гэты чалавек займаецца камерцыяй, але не плаціць падаткі, альбо гэты чалавек п'яніца, які не трапляў у поле нашага зроку», — заявіў Кубракоў.
Паводле яго словаў, усе, хто стаіць на прафілактычным уліку або пад кантролем крымінальна-выканаўчай інспекцыі, абавязкова павінны працаваць.
Міністр адзначыў, што, маўляў, больш за палову злачынстваў здзяйсняюць людзі, якія нідзе не працуюць і не вучацца. Таму МУС робіць акцэнт на працы з такімі грамадзянамі і лічыць, што патэнцыял прафілактыкі выкарыстоўваецца не цалкам. Найчасцей яны ўчыняюць маёмасныя злачынствы, бо ім патрэбныя грошы на жыццё.
МУС прапануе змяніць заканадаўства, каб на прафілактычны ўлік ставілі асобаў, вінаватых у хатнім гвалце, а таксама тых, хто вярнуўся з ЛТП. Гэта, маўляў, дасць магчымасць ужываць да іх індывідуальныя меры прафілактыкі. Акрамя таго, прапануецца ўвесці адміністратыўную адказнасць для тых, хто знаходзіцца на ўліку, але не выконвае патрабаванні па працаўладкаванні або лячэнні.
Пяціразовая розніца: параўналі тарыфы на ЖКП для «дармаедаў» і тых, хто працуе
Людзі ў шоку ад жыровак за кастрычнік. І яны не дармаеды
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»
Камуналку для «дармаедаў» пачалі налічваць паводле новых правілаў. Людзі не могуць паверыць лічбам у жыроўках
«Прыбраў — штраф. Не прыбраў — штраф». Людзі абураюцца загадамі наконт лісця
Каментары