Міністэрства ЖКГ нагадала, што нельга прыходзіць з сабакамі туды, куды любіць хадзіць з Умкам Лукашэнка
Камунальнікі яшчэ раз нагадалі, куды паводле цяперашняга заканадаўства не пусцяць з сабакамі. Як мінімум два пункты Лукашэнка часта парушае.
Міністэрства ЖКГ пералічыла месцы, куды не пусцяць з сабакамі. Толькі калі гэта не сабакі-павадыры. Так, забаронена прыводзіць гадаванцаў у крамы і любыя іншыя гандлёвыя аб'екты, акрамя зоамагазінаў, установы грамадскага харчавання, дамы быту і разліковыя цэнтры, культурныя і адукацыйныя ўстановы, шпіталі і паліклінікі.
Апроч таго, сабак нельга браць на спартыўныя і жывёлагадоўчыя аб'екты. Якраз гэтыя пункты часцяком парушае Аляксандр Лукашэнка. Ён водзіць Умку з сабой на хакей. Акрамя таго, любімы шпіц Лукашэнкі часта наведвае разам з ім жывёлагадоўчыя фермы.
Напрыклад, у ліпені Лукашэнка інспектаваў прадпрыемства па вытворчасці племянных коз. Пакуль гаспадар пясочыў чыноўнікаў і атрымліваў падарункі, Умка бавіўся побач з козамі.
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары