Школьніца ў Пухавічах сфатаграфавала картку бабулі і перастала сабе ў чымсьці адмаўляць
У Пухавічах 15‑гадовая школьніца знайшла спосаб аплачваць свае пакупкі, не патраціўшы пры гэтым ні капейкі з уласных грошай, паведаміў тэлеграм-канал «Обратная сторона».
Уся справа ў тым, што дзяўчына, сфатаграфаваўшы банкаўскую карту сваёй 65‑гадовай бабулі, пачала траціць яе зберажэнні.
— Дзяўчына купляла ўсё, што хацела: прадукты харчавання, упрыгожванні, цацкі, аплачвала Premium-падпіскі ў месенджары, а большую частку спусціла на Wildberries, — тлумачыць рэсурс.
За некалькі месяцаў школьніца здолела зліць больш за 13 тысяч рублёў з карты пенсіянеркі.
Вынікам такога «шопінгу» стала крымінальная справа за крадзеж маёмасці шляхам мадыфікацыі камп’ютарнай інфармацыі.
Цяпер чытаюць
Аналітык Генштаба, які маляваў карту «адкуль рыхтавалася нападзенне», апынуўся ў СІЗА КДБ за працу на ўкраінскую разведку7
Каментары