15‑гадовы падлетак у Пінскім раёне прапаў тры дні таму, яго шукае больш за 100 чалавек
Падлетак 23 студзеня каля 21.00 пайшоў з дому ў аграгарадку Парахонск. Да гэтага часу невядома, дзе ён знаходзіцца.
«У аперацыі задзейнічана вялікая колькасць супрацоўнікаў міліцыі з усёй Брэсцкай вобласці, МНС, супрацоўнікі памежнай службы, валанцёры, а таксама мясцовае насельніцтва. Выкарыстоўваецца спецыяльная тэхніка, дроны, квадрацыклы. Адпрацоўваюцца розныя версіі», — распавялі ва УУС Брэсцкага аблвыканкама. Юнака шукаюць больш за 100 чалавек.
На выгляд Багдану Юнчыку 15 гадоў, ён хударлявага целаскладу, рост — 160—165 см, мае кароткія чорныя валасы. Быў апрануты ў джынсы шэрага колеру, куртку колеру хакі, шэрую вязаную шапку, на нагах — чорныя берцы.
У міліцыі просяць пры наяўнасці інфармацыі паведаміць па тэлефонах +375 44 769 18 08, +375 44 711 68 85 або 102.
Каментары