Пастаўкі расійскай нафты ў Індыю абрынуліся да мінімуму за апошнія чатыры гады
У студзені імпарт Індыяй расійскай нафты ўпаў на 40% у параўнанні са снежнем і больш чым удвая ў гадавым вымярэнні. Аб’ёмы знізіліся да 859 тысяч бараляў у суткі — гэта найніжэйшы паказчык з чэрвеня 2022 года. У снежні 2025 года пастаўкі таксама скараціліся: на 4% у параўнанні з аналагічным перыядам мінулага года і на 25% адносна лістапада, піша The Moscow Times.
Асноўнымі прычынамі гэтага называюць узмацненне ціску з боку ЗША і імкненне Індыі заключыць выгаднае гандлёвае пагадненне з Вашынгтонам. Доля расійскай нафты ў індыйскім імпарце ў студзені знізілася да 21,2% — гэта мінімум з кастрычніка 2022 года.
Каб кампенсаваць страты, Індыя павялічвае закупкі на Блізкім Усходзе. Найбуйнейшым пастаўшчыком стала Саудаўская Аравія, доля якой вырасла да 55%. Таксама Індыя аднавіла закупкі венесуэльскай нафты, заказаўшы не менш як 6 мільёнаў бараляў з пастаўкай у красавіку. Венесуэльская нафта каштуе прыкладна на 15 даляраў за бараль танней за Brent, што робіць яе прывабнай для індыйскіх нафтаперапрацоўчых заводаў.
Пасля пачатку вайны ва Украіне ў 2022 годзе Індыя стала найбуйнейшым купцом расійскай нафты, карыстаючыся значнымі зніжкамі. Аднак з сярэдзіны 2025 года аб’ёмы пачалі змяншацца пад ціскам ЗША і ЕС. Паводле прагнозаў, у найбліжэйшыя месяцы пастаўкі могуць скараціцца яшчэ больш.
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары
Маскоўская імерыя вырабляе 1 % сусветнага ВУП, яны нічога не вырашаюць ў свеце. Арменія падпісвае геа- стратэгічныя дамовы з ЗША наконт ядравага паліва да транзіту. Чаму мы не можам ?