27 ліпеня Глыбоцкі раённы суд разгледзеў адміністрацыйную справу чалавека, які мучыў птушку. Глыбачанін атрымаў пакаранне ў 10 базавых велічынь (350 тысяч рублёў). Віну сваю ён прызнаў і пайшоў плаціць штраф.
Нагадаем, 30 мая адзін з жыхароў вул. Паўднёвай у Глыбокім злавіў галку і зрабіў з яе "жывое пудзіла" -- прывязаў да шаста на гародзе. Птушка торгалася і крычала. Гэта заўважылі суседзі і патэлефанавалі ў інспекцыю па ахове жывёльнага і расліннага свету. Супрацоўнікі інспекцыі прыбылі на месца, вызвалілі галку і склалі пратакол.
Мінчук забіў маці і цесця, а пасля 15 гадоў атрымліваў за іх пенсію1
Каментары