Паводка ў Аўстраліі: загінулі 10 чалавек, 90 знікла без вестак
Рака Брысбен у Аўстраліі выйшла з берагоў у аўторак і да гэтага часу працягвае разлівацца.
Рака Брысбен у Аўстраліі выйшла з берагоў у аўторак і да гэтага часу працягвае разлівацца. Сёння паводка дайшла да Брысбена, трэцяга па велічыні горада Аўстраліі.
Пад вадой цяпер 20 тысяч дамоў, а ў небяспецы каля 2 млн. Пік паводкі чакаецца ў чацвер.
Жыхароў горада, колькасць якіх складае каля 2 мільёнаў чалавек, улады заклікалі з’ехаць на час альбо жыць на верхніх паверхах дамоў, а таксама не карыстацца аўтамабілямі і эканоміць пітную ваду.
Цэнтр Брысбена цалкам пусты. Электрычнасць адключаная, каб пазбегнуць пажару ў выпадку кароткага замыкання.У трох месцах арганізаваныя пункты прыёму тых, хто быў найбольш сур’ёзна паранены, здольныя змясціць каля 7 тыс. чалавек.
Было абвешчана, што колькасць пацверджаных выпадкаў смерці ў найбольш пацярпелым ад стыхійнага бедства раёне даліны Лакаер сягнула дзесяці, але больш за 90 чалавек лічацца зніклымі без вестак.
Улады асцерагаюцца, што паводка можа мець горшыя наступствы, чым у 1974 годзе, калі рака затапіла тысячы дамоў і загінулі 14 чалавек.
Цяпер чытаюць
Вызваленыя беларускія палітвязні паразмаўлялі з Зяленскім8
Каментары