Андропаўшчына. У суботу на мінскія прадпрыемствы званілі з райвыканкамаў, патрабавалі звесткі пра работнікаў
якія былі не выйшаўшы на працу.
Як паведамілі «Нашай Ніве» чытачы, у суботу прынамсі ад некаторых мінскіх прадпрыемстваў і ўстановаў райвыканкамы запатрабавалі спісы супрацоўнікаў, якія былі не выйшаўшы на работу.
Субота 14 мая была працоўнай, але ў такія дні звыкла істотная частка працаўнікоў не выходзіць на работу, калі няма працоўнай загрузкі ці калі ёсць сямейныя патрэбы.
Аляксандр Лукашэнка нядаўна запатрабаваў успомніць практыкі андропаўскіх часоў для ўмацавання працоўнай дысцыпліны.Ён абгрунтаваў гэта высновамі з нядаўняга тэракта ў метро.
Пасля гэтага кіраўнік Адміністрацыі прэзідэнта Уладзімір Макей заявіў, што ў Беларусі будзе праведзена праверка дысцыпліны і кадравай работы на прадпрыемствах.
«Падпісана супольнае распараджэнне кіраўніка Адміністрацыі прэзідэнта і дзяржсакратара Рады бяспекі па праверцы шэрагу прадпрыемстваў у прамысловасці і сельскай гаспадарцы», — заявіў ён, выступаючы перад журналістамі ў Брэсце.
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах13
Каментары