Суд пацвердзіў: чалавек без рукі, асуджаны за акцыю апладысментаў, вінаваты
Суддзя Анатоль Заяц з Гродзенскага абласнага суда не задаволіў скаргу інваліда Канстанціна Капліна.
Скаргу Канстанціна Капліна, асуджанага за ўдзел у акцыі маўклівага пратэсту 3 ліпеня Гродзенскі абласны суд пакінуў без задавальнення.
Інвалід Каплін, які не мае правай рукі, быў затрыманы ў той дзень на Савецкай плошчы Гродна за тое, што, як вынікала з міліцэйскага пратаколу, ён «пляскаў у ладкі».
6 ліпеня гарадскі суд Гродна прызнаў яго вінаватым ва ўдзеле ў незаконным шэсці і пакараў штрафам у памеры 1 050 000 рублёў. Гэта рашэнне Каплін абскардзіў у абласным судзе.
На судовым працэсе 9 жніўня суддзя Анатоль Заяц скаргу інваліда не задаволіў. У Капліна была маленькая, але ўсёткі надзея на тое, што абласны суд адменіць рашэнне гарадскога суда.
«Здавалася, людзі павінны разумець усю дурасць такіх вось рашэнняў», —сказаў ён.
Па інфармацыі гродзенскага праваабаронцы Віктара Сазонова, за апошнія 10–12 гадоў ніводная скарга, якая так ці інакш мае палітычны характар, не была задаволена. «Створана сістэма, і яна баіцца штосьці змяніць. У яе ёсць задача пасадзіць і аштрафаваць вызначаную колькасць людзей, і суддзі выконваюць, усведамляючы пры гэтым усю абсурднасць», — пракаментаваў рашэнне суда праваабаронца.
Інтэрв’ю з Канстанцінам Капліным — чалавекам без рукі, якога асудзілі за апладысменты
Побач з Лукашэнкам на хакеі з'явілася новая прыгажуня10
Каментары