Гэта будзе дзясятае ў 2011 г. павышэнне. Пачыналася ўсё з 10,5%.
Стаўка рэфінансавання Нацыянальнага банка Беларусі з 14 кастрычніка павышаецца да 35% гадавых, паведамілі ва ўпраўленні інфармацыі Нацбанка.
Адпаведная пастанова ад 12 кастрычніка №442 прынята праўленнем Нацбанка. Гэтае рашэнне з’яўляецца чарговым крокам у паслядоўнай рэалізацыі агульнаэканамічнай палітыкі Нацыянальнага банка і ўрада, накіраванай на макраэканамічную стабілізацыю, памяншэнне ціску на абменны курс беларускага рубля і зніжэнне ўзроўню інфляцыі.
Нацыянальны банк сумесна з урадам працягнуць прыняцце стабілізацыйных мер з улікам развіцця знешніх і ўнутраных эканамічных працэсаў, адзначылі ва ўпраўленні.
Апошні раз стаўка рэфінансавання павышалася 14 верасня 2011 г. на 3% да 30% гадавых,
а наогул гэта будзе ўжо дзясятае з пачатку года павышэнне стаўкі рэфінансавання.
Раней яна павышалася 16 сакавіка (з 10,5 да 12%), 20 красавіка (да 13%), 18 мая (да 14%), 1 чэрвеня (да 16%), 22 чэрвеня (да 18%), 13 ліпеня (да 20%), 17 жніўня (да 22%) і 1 верасня (да 27% гадавых) і 14 верасня з 27 да 30%.
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары