Аляксандр Лукашэнка сёння ў ходзе рабочай паездкі ў Івацэвіцкі раён Брэсцкай вобласці азнаёміцца з развіццём жывёлагадоўчай галіны ў Беларусі і насенняводства кукурузы.
Плануецца, што Аляксандр Лукашэнка наведае адну з малочнатаварных ферм у СВК "Святая Воля". Тут яго праінфармуюць аб выкананні яго даручэнняў аб рэканструкцыі і тэхнічным перааснашчэнні жывёлагадоўчых ферм, а таксама аб выніках работы жывёлагадоўчай галіны рэгіёну і краіны ў цэлым.
Асобная ўвага ў ходзе наведвання СВК будзе ўдзелена пытанню стварэння належных умоў для захоўвання бульбы і агародніны. Раней Лукашэнка неаднаразова даваў наконт гэтага адпаведныя даручэнні, аб выкананні якіх яму таксама будзе даложана.
Затым Аляксандр Лукашэнка наведае Івацэвіцкі кукурузакалібровачны завод.
Каментары