Пра гэта заявіў намеснік старшыні грамадскага аб’яднання Віктар Гумінскі.
Рэспубліканскае грамадскае аб’яднанне «Белая Русь» можа быць пераўтворана ў партыю ўжо ў наступным годзе. Пра гэта паведаміў у інтэрв’ю праграме «Карціна свету» на тэлеканале «РТР-Беларусь» намеснік старшыні палаты прадстаўнікоў, намеснік старшыні РГА «Белая Русь» Віктар Гумінскі.
«У гэтым годзе ўжо мала часу застаецца, але, думаю, у наступным павінна атрымацца», — сказаў Віктар Гумінскі.
Пры гэтым ён падкрэсліў, што парадак уступлення ў партыю будзе насіць выключна добраахвотны характар.
Гаворачы аб тым, якой будзе новая партыя, Віктар Гумінскі адзначыў:
«Мы не хочам быць такой партыяй, якія ёсць сёння ў рэспубліцы, якіх народ зусім не ведае, ці не прымае, ніякага даверу да іх няма і ніякага іміджу ў гэтых партый таксама няма.У той жа час мы лічым, што трэба ўмацаваць свае шэрагі, заваяваць больш аўтарытэту ў грамадстве». Па словах намесніка старшыні РГА, сёння многія ведаюць, што такое «Белая Русь», на прыкладзе вялікіх і малых спраў аб’яднання. «Прычым мы робім гэта не за грошы падаткаплацельшчыкаў, не за гранты з-за мяжы, а за свае крэўныя ўзносы, якія здаем.
Ніякіх грантаў, у тым ліку і ад дзяржавы, мы не атрымліваем і не просім, праблемы для дзяржавы зусім не робім , але не хаваем таго, што наша пазіцыя — падтрымка ўлады»,— сказаў ён.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары