Ніхто з украінскай амбасады да яго так і не выйшаў.
Экс-кандыдат у прэзыдэнты, лідэр грамадзянскай кампаніі «Гавары праўду» Ўладзімер Някляеў разам з былымі палітвязьнямі Сяргеем Казаковым, Дзьмітрыем Драздом і Паўлам Вінаградавым паспрабаваў перадаць у амбасаду Ўкраіны букет бел-чырвона-белых ружаў для актывістак жаночага руху «Femen», якія 19 сьнежня ўдзельнічалі ў акцыі ля будынку КДБ у Менску.
Аднак, як расказаў спадар Някляеў,
ніхто з прадстаўнікоў дыпляматычнай місіі да іх так і ня выйшаў.Паэту ўдалося пагаварыць праз дамафон толькі зь дзяжурным па амбасадзе, які спаслаўся на тое, што нікога з адказных супрацоўнікаў на працы няма, а ён не ўпаўнаважаны сыходзіць са свайго месца.
Як кажа спадар Някляеў,
давялося пакінуць букет у агароджы, а ўдзячнасьць мужным дзяўчатам перадаць у вуснай форме:
«Мы хацелі перадаць для ўкраінскіх дзяўчат, якіх у Беларусі жорстка абразілі, зьдзекаваліся, гэты букет — знак нашага захапленьня іх мужнасьцю. А таксама прынесьці прабачэньні за тыя дзеяньні, якія дапусьцілі ў адносінах да жанчын беларускія ўлады. Няхай ва Ўкраіне ведаюць, што ня ўсе беларусы моўчкі прыглынаюць любое злачынства, што мы не пакорны статак, над якім можна глуміцца».
Цяпер чытаюць
Якія гарады найбольш пацярпелі ад палітычных рэпрэсій? Вось спіс8
Каментары