Свет77

Канцэрт апазіцыі на «Мінск-Арэне»? А ў Расіі такое дазволена

Карэспандэнт «НН» наведаў апошняе агітацыйнае мерапрыемства расійскай выбарчай кампаніі.

Апоўначы 2 сакавіка ў Расіі сканчваецца перадвыбарчы агітацыйны перыяд. Дзякуючы яму кандыдаты ў прэзідэнты атрымалі магчымасць у чарговы раз засвяціцца на экранах тэлевізараў і прадэманстраваць плюралізм меркаванняў у расійскім грамадстве.

Субота, згодна з расійскім заканадаўствам, будзе днём цішыні, але знайсці хоць нейкую палітычную актыўнасць аказалася складаным ужо ў пятніцу.

З дзясятак білбордаў уздоўж трасаў, з якіх лідар камуністаў Генадзь Зюганаў называўся «нашым прэзідэнтам», — вось і ўсё, што мог убачыць сярэднестатыстычны турыст, які апынуўся ў пятніцу ў Маскве. Перакрытыя турнікетамі цэнтральныя плошчы, патрулюемыя паліцыяй, наводзілі на падазрэнні, што ўлады ўсё ж чагосьці асцерагаюцца, але

ні пікетаў, ні раздачы агітацыйных матэрыялаў ужо не было відаць.

На рэдкіх інфармацыйных плакатах на сценах дамоў расіянам чарговы раз нагадвалі, што выбары адбудуцца менавіта 4 сакавіка. Дарэчы, такая ж інфармацыя дублюецца на магнітных праязных картках у метро.

Сацыяльныя агітацыйныя сеткі

Галоўным мерапрыемствам апошняга дня быў канцэрт у спарткомплексе «Алімпійскі» ў падтрымку Міхаіла Прохарава. Уладзімір Пуцін некалькі дзён таму «збіраў» стадыён «Лужнікі», яго ж апанент абраў менш змяншальную пляцоўку. Сярод заяўленых «зорак» былі гурты «Бі-2», «Машина времени» і папсовае «Серебро».

Ці можна ўявіць мерапрыемства такога кшталту — шматтысячны канцэрт у падтрымку кандыдата ад беларускай апазіцыі — на «Мінск-Арэне»? Ніколі.

Для арганізацыі канцэрту штаб Прохарава выкарыстаў вопыт замежных паліттэхнолагаў. Як высветлілася, каб сабраць паўнюткі зал, неабавязкова ў прымусовым парадку звазіць дзясяткі аўтобусаў з работнікамі дзяржаўных прадпрыемстваў.

Атрымаць запрашальны білет мог кожны, зто пагаджаўся прапіярыць канцэрт у сацыяльных сетках і даслаць спасылку на сваю «рэкламу» ў выбарчы штаб.
Ахвотных налічылася больш за дзесяць тысяч чалавек. Зрэшты, білеты ў апошні дзень маглі атрымаць і ўсе астатнія.

Панібрацкі кандыдат

Афармленне зала яшчэ раз нагадала, на якую аўдыторыю арыентуецца «кандыдат ад алігархаў».

Старонкі ў Твітэры і ў Фэйсбуку, выявы якіх пастаянна ўзнікалі на гіганцкіх экранах, змяняліся з панібрацкім тэкстам «Міша, мы за цябе!»
. Таму і сярод гледачоў пенсіянераў было мала, ўсё больш моладзь і тыя, каго прынамсі па знешнім выглядзе можна аднесці да сярэдняга класа.

Выхад двухметровага Прохарава на сцэну нагадаў амерыканскія традыцыі кантакту з аўдыторыяй. Пасля невялікай прамовы, у якой ён паабяцаў з Расіі еўрапейскую краіну, мільянер спусціўся на танцпол, каб адплясваць разам з сябрамі свайго выбарчага штабу, каб нібыта падкрэсліць сваю роўнасць з імі.

Такая стратэгія дала свой плён.

Паводле дадзеных прапуцінскіх сацыялагічных службаў, Прохараў выйшаў на трэцяе месца, саступаючы Пуціну і Зюганаву, але апярэджаючы і блазна Уладзіміра Жырыноўскага, і лідара «Справядлівай Расіі» Сяргея Міронава.
Зрэшты, ніхто з іх, як мяркуецца, не складзе сапраўднай канкурэнцыі Пуціну.
Надзеяй прыхільнікаў пераменаў застаюцца паслявыбарчыя акцыі пратэсту, першая з якіх прызначаная на панядзелак, 5 сакавіка.

Каментары7

Цяпер чытаюць

Цэны на шакалад здзіўляюць

Цэны на шакалад здзіўляюць

Усе навіны →
Усе навіны

Адна з дзяржаў рыхтуецца да першай у свеце планаванай міграцыі ўсёй нацыі3

На Міншчыне заўважылі два магчымыя тарнада

«Я страціла сэнс жыцця». Спявачцы Рыце Дакота забаранілі выступаць у Расіі30

У Будславе археолагі адкапалі старажытны падмурак касцёла

Былы беларускі ваяр суткі катаваў свайго сябра, а пасля забіў сябе40

Сёлета кляшчы кусаюць беларусаў амаль на 11% часцей, чым летась

Столькі праблем, а тут Стрыжак з яго падлеткавымі гульнямі40

Катар прыгразіў Еўропе скарачэннем паставак газу3

Колькасць пацверджаных расійскіх ваенных страт перавысіла 120 тысяч чалавек12

больш чытаных навін
больш лайканых навін

Цэны на шакалад здзіўляюць

Цэны на шакалад здзіўляюць

Галоўнае
Усе навіны →

Заўвага:

 

 

 

 

Закрыць Паведаміць