Упаўнаважаны па правах чалавека федэральнага ўрада Германіі Маркус Лёнінг вітае вызваленне двух палітзняволеных у Беларусі і заклікае вызваліць астатніх.
«Добра, што былы кандыдат у прэзідэнты Беларусі Андрэй Саннікаў і яго давераная асоба Зміцер Бандарэнка пасля доўгага і цяжкага зняволення нарэшце на волі. Я заклікаю Беларусь неадкладна вызваліць і рэабілітаваць усіх астатніх палітвязняў».
Агенцтва нагадвае, што першым і безумоўным патрабаваннем ЕС для пачатку дыялогу з Беларуссю з’яўляецца вызваленне 11 палітзняволеных, якія знаходзяцца ў месцах пазбаўлення волі.
Як зазначае ў заяве Лёнінг, МЗС ФРГ стаіць на баку ўсіх тых, каго ў Беларусі пазбаўляюць свабоды і правоў. «Зацяжныя рэпрэсіі ў дачыненні да іх павінны спыніцца», — заключыў омбудсмен.
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары