MZS FRH zaklikaŭ ułady Biełarusi vyzvalić usich palitviaźniaŭ
Upaŭnavažany pa pravach čałavieka fiederalnaha ŭrada Hiermanii Markus Loninh vitaje vyzvaleńnie dvuch palitźniavolenych u Biełarusi i zaklikaje vyzvalić astatnich.
«Dobra, što były kandydat u prezidenty Biełarusi Andrej Sańnikaŭ i jaho davieranaja asoba Źmicier Bandarenka paśla doŭhaha i ciažkaha źniavoleńnia narešcie na voli. Ja zaklikaju Biełaruś nieadkładna vyzvalić i reabilitavać usich astatnich palitviaźniaŭ».
Ahienctva nahadvaje, što pieršym i biezumoŭnym patrabavańniem ES dla pačatku dyjałohu ź Biełaruśsiu źjaŭlajecca vyzvaleńnie 11 palitźniavolenych, jakija znachodziacca ŭ miescach pazbaŭleńnia voli.
Jak zaznačaje ŭ zajavie Loninh, MZS FRH staić na baku ŭsich tych, kaho ŭ Biełarusi pazbaŭlajuć svabody i pravoŭ. «Zaciažnyja represii ŭ dačynieńni da ich pavinny spynicca», — zaklučyŭ ombudsmien.
Kamientary