Але там не адмаўляюць факта выкарыстання фізічнай сілы.
У інтэрнэце з’явілася відэа затрымання ў Калінкавічах 1 мая міліцыянтамі маладога чалавека. У двух кароткіх роліках нічога незразумела акрамя таго, што два чалавекі ў форме скруцілі трэцяга, прыціснуўшы яго да зямлі. Усё гэта суправаджалася мацюкамі з боку відавочцаў як на адрас міліцыянтаў, так і затрыманага.
У подпісе да відэа ж гаворыцца, што супрацоўнікі міліцыі маладому чалавеку нібыта зламалі шыю і ён цяпер самастойна не можа дыхаць.
Многія сайты паспяшалі пераставіць гэтую інфармацыю.
У Калінкавіцкім РАУСе пракаментавалі сітуацыю.
Па словах намесніка начальніка па ідэалагічнай працы і кадравым забеспячэнні Марыны Піліпец, 1 мая ў гарадскім парку адбылася бойка ў кампаніі маладых людзей.
Супрацоўнікі міліцыі ўзяліся разняць іх. Была выкарыстана фізічная сіла. Піліпец адзначыла, што, калі чалавек, які фігуруе на відэа, звярнуўся ў бальніцу, падстаў для яго шпіталізацыі не было — цяжкіх пашкоджанняў не атрымаў. Разам з тым, ён быў п’яны.
Следчым камітэтам па гэтым факце праводзіцца праверка.
Таксама вырашаецца пытанне з завядзеннем крымінальнай справы на жыхара раённага цэнтра за супраціў міліцыянтам.
У той жа час, адзін з жыхароў Калінкавіч паведаміў нам пра зламаны нос у маладога чалавека, страсенне мозга і неабходнасць правядзення аперацыі.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары