Пуцін памілаваў двух беларусаў, асуджаных за кантрабанду псіхатропных рэчываў
Прэзідэнт Расіі Уладзімір Пуцін, «кіруючыся прынцыпамі гуманнасці», указамі ад 30 мая памілаваў двух беларускіх кантрабандыстаў — Сяргея Лагуна і Аляксандра Чачурава (абодва 1985 года нараджэння).
10 верасня 2007 года Цвярскі раённы суд Масквы прыгаварыў Чачурава і Лагуна да 14 гадоў калоніі строгага рэжыму, прызнаўшы іх вінаватымі ў кантрабандзе псіхатропных рэчываў (частка 2 артыкула 188 КК РФ) і іх незаконным збыце (частка 3 артыкула 228.1 КК РФ). Грамадзяне Беларусі прывезлі ў Расію тысячу таблетак ад кашлю «Тусал» польскай вытворчасці, дазволеных да продажу ў Беларусі і забароненых у Расіі, бо ўтрымліваюць псіхатропнае рэчыва дэкстраметарфан. Расіянін, які замовіў беларусам прэпарат праз інтэрнэт і назваўся аптэкарам, аказаўся супрацоўнікам службы па наркакантролі. 7 сакавіка 2007 года Чачураў і Лагун былі затрыманы супрацоўнікамі ўпраўлення Федэральнай службы па кантролі за незаконным абаротам наркотыкаў Цэнтральнай акругі Масквы.
29 кастрычніка таго ж года Маскоўскі гарадскі суд знізіў пакаранне асуджаным да дзевяці гадоў пазбаўлення волі.
Інфармацыя аб памілаванні беларускіх грамадзян з’явілася на сайце Крамля 1 чэрвеня, пасля візіту Пуціна ў Мінск.
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары