Пра гэта ён паведаміў пасля сустрэчы з Уладзімірам Сямашкам.
Чавес падкрэсліў, што яго краіна "з радасцю аб'яўляе" аб візіце беларускага прэзідэнта, бо абедзве краіны маюць значны ўзровень таваразвароту, які грунтуецца на дамове аб супрацоўніцтве, падпісаным 8 снежня 2008 г., гаворыцца ў паведамленні прэс-службы венесуэльскага кіраўніка ў яго блогу.
На сустрэчы з Сямашка Чавес адзначыў, што сумесныя з Беларуссю праекты пачынаюць прыносіць свой плён. Гаворка ідзе, у прыватнасці, аб працы заводаў па вытворчасці трактароў і грузавых аўтамабіляў, газіфікацыі венесуэльскіх гарадоў. Бакі прааналізавалі ход рэалізацыі нафтавых праектаў, разгледзелі пытанні вытворчасці электраэнергіі і жыллёвага будаўніцтва. "Мы рады паведаміць венесуэльскаму народу, што пагадненне паміж Беларуссю і Венесуэлай функцыянуе нармальна», — заявіў Чавес.
У сустрэчы з Уга Чавесам ўдзельнічалі амбасадар Беларусі ў Венесуэле Валянцін Гурыновіч, намеснік міністра замежных спраў Сяргей Алейнік, першы намеснік міністра энергетыкі Эдуард Таўпянец.
Лукашэнка наведваў Венесуэлу ў снежні 2007-га і сакавіку 2010-га, Чавес прыязджаў у Беларусь у ліпені 2008-га, верасні 2009-га і кастрычніку 2010 г. Традыцыю штогадовага наведвання Мінска яму давялося перапыніць з-за анкалагічнага захворвання, ад якога ён лечыцца дома і на Кубе.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»30
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары