Віктарына да дня народзінаў мультфільма «Будзьма беларусамі!» (каштоўныя прызы)
Зусім нядаўна анімацыйнаму фільму «Будзьма беларусамі!» споўніўся год.
Калі хтосьці яго яшчэ не паглядзеў, то мае выдатную нагоду зрабіць гэта, бо сёння мы хочам вызначыць, хто з гледачоў быў самым уважлівым і кемлівым. Проста адкажыце на пяць пытанняў па змесце мульціка і атрымайце прызы ад кампаніі: саколкі, торбы, дыскі! Правілы ўдзелу ў віктарыне простыя. Дашліце правільныя адказы на пытанні, прыведзеныя ніжэй, на скрыню [email protected], пазначыўшы ў тэме ліста «Віктарына па мультфільме». Адказы прымаюцца да наступнай серады ўключна (20 чэрвеня 2012). Пераможцаў мы абвесцім 22 чэрвеня.
Пераможцаў чакаюць:
Першыя дзесяць чалавек — набор: саколка + торба + мультымедыйны дыск з цікавосткамі ад кампаніі.
Яшчэ дзесяць чалавек — набор: торба + мультымедыйны дыск з цікавосткамі ад кампаніі.
Усіх астатніх — мультымедыйны дыск з цікавосткамі ад кампаніі.
Дарэчы, калі вы не бачылі, дык да дня народзінаў мультфільма «Будзьма беларусамі!» мы выпусцілі маляванку «Будзьма беларусікамі!», якую можна спампаваць тут, а таксама выклалі ў сеціва песню ў выкананні Лявона Вольскага і Вінсэнта.
А вось і пытанні!
1. Каго заглушае сваёй песняй Мулявін?
2. Прывядзіце прыклад рэкурсіі з мультфільма.
3. Якая сувязь паміж ваўком у латах і Кастусём Каліноўскім?
4. Якія французскія словы ёсць у мультфільме?
5. Як называўся цмок з мультфільма?
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»3
Каментары