У Баранавіцкім раёне п'яны мужчына спрабаваў «пратараніць» электрычку
Ён бег насустрач цягніку.
Паведамленне аб здарэнні на чыгунцы паступіла ў Баранавіцкі аддзел унутраных спраў на транспарце ўвечары 7 кастрычніка, піша Intex-press.
Як распавёў начальнік штаба Баранавіцкага АУСТ Вадзім Кулік, на 887-м кіламетры перагона Баранавічы Цэнтральныя—Пагарэльцы электрацягнік «Баранавічы—Мінск» траўмаваў 28-гадовага гараджаніна.
«Мужчыну, які бег насустрач электрычцы, убачылі машыністы, якія, як і належыць у падобных сітуацыях, пачалі падаваць папераджальны сігнал. У апошні момант гараджанін паспеў саскочыць з рэек, аднак яго ўсё адно зачапіла цягніком»,— распавёў пра абставіны здарэння Вадзім Кулік.
Пацярпелы з папярэднім дыягназам «траўма грудной клеткі, раны сцягна і галёнкі, алкагольнае ап'яненне» быў дастаўлены ў бальніцу.
У выніку здарэння затрымка руху чыгуначнага транспарту склала 46 хвілін. Па дадзеным факце праводзіцца праверка.
Цяпер чытаюць
Жонка Галыгіна адсвяткавала пад Мінскам дзень нараджэння ў рускім стылі — у какошніку і з тортам-матрошкай ШМАТ ФОТА21
Каментары