Эканоміка77

Банкі задыхаюцца ад дэфіцыту рублёў, стаўкі міжбанку б'юць усе рэкорды

У панядзелак сярэднеўзважаная стаўка па аднадзённых міжбанкаўскіх крэдытах вырасла да 62% гадавых.

Жорсткая манетарная палітыка Нацбанка прывяла да скачка ставак па крэдытах.

У сувязі з пікам падатковых выплат у панядзелак 22 кастрычніка сярэднеўзважаная стаўка АФН па аднадзённых міжбанкаўскіх крэдытах (МБК) вырасла на 6,11% працэнтных пункта да 62,27% гадавых пры мінімальнай стаўцы 52%, максімальнай — 70% гадавых, паведамляе Агенцтва фінансавых навін.

Учора кіраўніца Нацыянальнага банка Надзея Ермакова паведаміла, што апошнія тры гандлёвыя сесіі на БВФБ Нацбанк купляў валюту. Банкі актыўна прадавалі яе, каб папоўніць дэфіцыт рублёвай масы.
Аднак гэтых аб’ёмаў відавочна аказалася замала для задавальнення попыту на рублёвую ліквіднасць. Дзяржбанкі працягваюць прасіць рублёвай падтрымкі ад Нацбанка. Між тым Нацбанк баіцца, што выдзеленыя рэсурсы ўрэшце пойдуць на куплю валюты, што выкліча ціск на курс.

Агулам беручы, такая нервознасць на фінансавым рынку сведчыць, што дэвальвацыйныя і інфляцыйныя чаканні застаюцца высокімі, пакуль захоўваецца няяснасць з рэжымам паставак нафты ў Беларусь у 2013-м — асноўнай крыніцы валютных даходаў краіны.
Сам факт такой стаўкі — большай за 50% — адлюстроўвае ацэнкі бізнэсам і фінансістамі магчымасці падзення рубля.

Аляксандр Лукашэнка ў панядзелак на сустрэчы з кіраўніцай Нацбанка завяраў, што курс нацыянальнай валюты ўдасца ўтрымаць і дэвальвацыйны правал 2011 года не паўторыцца.
«Зусім нядаўна мы канстатавалі факт, што нам удалося ў нейкай ступені пераламаць хоць невялікія, але негатыўныя тэндэнцыі на валютным рынку, звязаныя перш за ўсё з чуткамі і палітыкай».
Аднак выбраныя ім далей словы прагучалі досыць двухсэнсоўна: «Мы павінны свята прытрымлівацца таго курсу, які мы пазначылі і абвясцілі народу.
Калі Нацыянальны банк абвяшчае такую ​​палітыку, то яе трэба і трымацца». Рэч у тым, што афіцыйна Нацбанк дэклараваў, што курс будзе вызначацца строга на рынкавых прынцыпах, у залежнасці ад попыту і прапановы.

Каментары7

Цяпер чытаюць

Фатограф-агент з двума пашпартамі здымае беларусаў і іх мерапрыемствы ў Варшаве22

Фатограф-агент з двума пашпартамі здымае беларусаў і іх мерапрыемствы ў Варшаве

Усе навіны →
Усе навіны

Прарасійскія актывісты пачалі цкаваць Юрыя Жыгамонта, які вярнуўся на ютуб з «Падарожжамі дылетанта»74

«Выходны ў сераду — гэта бомба». Беларус сам зрабіў сабе 4-дзёнку — і дзеліцца вынікамі з кам’юніці3

Памёр заснавальнік Інстытута парламентарызму і прадпрымальніцтва Алег Марозаў

Экс-прафесар эканамічнага факультэта Маскоўскага ўніверсітэта скончыў жыццё самагубствам пасля таго, як аддаў махлярам 650 тысяч даляраў4

«Мінсктранс» арганізуе бясплатную перасадку ў аўтобусы на мяжы Беларусі і Польшчы1

Якія сімптомы паказваюць на рак кішачніка і што правакуе яго развіццё? Тлумачыць анколаг15

Затрыманні ў 2020-м, арышт у 2024-м, эміграцыя ў 2025-м. Гісторыя 21-гадовага беларускага «тэрарыста»2

З птушкафабрыкі пад Гроднам прапала 400 яек качкі. Прычым яйкаманы нават сачылі, як вылупліваюцца качаняты2

Украіна паведаміла пра гібель у Расіі больш за 200 ваеннапалонных2

больш чытаных навін
больш лайканых навін

Фатограф-агент з двума пашпартамі здымае беларусаў і іх мерапрыемствы ў Варшаве22

Фатограф-агент з двума пашпартамі здымае беларусаў і іх мерапрыемствы ў Варшаве

Галоўнае
Усе навіны →

Заўвага:

 

 

 

 

Закрыць Паведаміць