Banki zadychajucca ad deficytu rubloŭ, staŭki mižbanku bjuć usie rekordy
U paniadziełak siarednieŭzvažanaja staŭka pa adnadzionnych mižbankaŭskich kredytach vyrasła da 62% hadavych.
Žorstkaja manietarnaja palityka Nacbanka pryviała da skačka stavak pa kredytach.
U suviazi ź pikam padatkovych vypłat u paniadziełak 22 kastryčnika siarednieŭzvažanaja staŭka AFN pa adnadzionnych mižbankaŭskich kredytach (MBK) vyrasła na 6,11% pracentnych punkta da 62,27% hadavych pry minimalnaj staŭcy 52%, maksimalnaj — 70% hadavych, paviedamlaje Ahienctva finansavych navin.
Učora kiraŭnica Nacyjanalnaha banka Nadzieja Jermakova paviedamiła, što apošnija try handlovyja siesii na BVFB Nacbank kuplaŭ valutu. Banki aktyŭna pradavali jaje, kab papoŭnić deficyt rublovaj masy.Adnak hetych abjomaŭ vidavočna akazałasia zamała dla zadavalnieńnia popytu na rublovuju likvidnaść. Dziaržbanki praciahvajuć prasić rublovaj padtrymki ad Nacbanka. Miž tym Nacbank baicca, što vydzielenyja resursy ŭrešcie pojduć na kuplu valuty, što vykliča cisk na kurs.
Ahułam bieručy, takaja niervoznaść na finansavym rynku śviedčyć, što devalvacyjnyja i inflacyjnyja čakańni zastajucca vysokimi, pakul zachoŭvajecca niajasnaść z režymam pastavak nafty ŭ Biełaruś uSam fakt takoj staŭki — bolšaj za 50% — adlustroŭvaje acenki biznesam i finansistami mahčymaści padzieńnia rubla.2013-m — asnoŭnaj krynicy valutnych dachodaŭ krainy.
Alaksandr Łukašenka ŭ paniadziełak na sustrečy z kiraŭnicaj Nacbanka zaviaraŭ, što kurs nacyjanalnaj valuty ŭdasca ŭtrymać i devalvacyjny pravał 2011 hoda nie paŭtorycca.«Zusim niadaŭna my kanstatavali fakt, što nam udałosia ŭ niejkaj stupieni pierałamać choć nievialikija, ale niehatyŭnyja tendencyi na valutnym rynku, źviazanyja pierš za ŭsio z čutkami i palitykaj».
Adnak vybranyja im dalej słovy prahučali dosyć dvuchsensoŭna: «My pavinny śviata prytrymlivacca taho kursu, jaki my paznačyli i abviaścili narodu.Kali Nacyjanalny bank abviaščaje takuju palityku, to jaje treba i trymacca». Reč u tym, što aficyjna Nacbank dekłaravaŭ, što kurs budzie vyznačacca stroha na rynkavych pryncypach, u zaležnaści ad popytu i prapanovy.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary