Учора ў Полацку пачалiся ўрачыстасцi, прысвечаныя 1015‑й гадавiне ўсталявання Полацкай епархii.
Сёння ж 5 чэрвеня, у дзень памяцi прападобнай Ефрасiннi Полацкай, якую беларускiя вернiкi называюць «нашай мацi», нябеснай апякункай беларускага народу, у Свята‑Крыжаўздвiжанскiм храме адбудзецца святочная Лiтургiя, якую будзе служыць Мiтрапалiт Мiнскi i Слуцкi, Патрыяршы Экзарх усяе Беларусi Фiларэт у саслужэннi членаў Сiнода. У другой палове дня будзе асвечана адноўленая майстрам Мiкалаем Кузьмiчом рака прападобнай.
«Выказваннем глыбокай пашаны да прападобнай Ефрасiннi i адначасова справай вяртання гiстарычнай праўды стала аднаўленне срэбнай ракi, якую сёння асвячаем, i ў якой цяпер будуць знаходзiцца яе святыя мошчы, якiя даруюць вылечванне, — сказана ў пасланнi Сiнода Беларускай праваслаўнай царквы. — У гэту богаўгодную справу ўкладзена важкая лепта кiраўнiка беларускай дзяржавы i пасiльныя ахвяраваннi веруючых людзей, iмёны якiх ведае Гасподзь».
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай75
Каментары