Еўрапейскі суд па правах чалавека адхіліў скаргу Вольгі Карач

Еўрапейскі суд па правах чалавека адхіліў скаргу Вольгі Карач на тое, што Літва адмовіла ёй у палітычным прытулку, даведалася «Еўрарадыё».

Вольга Карач

«Заява, пра якую вы пытаецеся, прызнаная непрымальнай аднаасобным суддзёй (declared inadmissible by a single judge formation) у студзені 2025 года», — сказана ў адказе, які «Еўрарадыё» атрымала з прэс-службы ЕСПЧ.

Гэта нярэдкая фармулёўка ў практыцы міжнародных судовых органаў. Словы declared inadmissible азначаюць, што суд прыйшоў да высновы, што скарга не падлягае разгляду. Гэта можа адбыцца праз адсутнасць прыкмет парушэння правоў, відавочную неабгрунтаванасць і г.д.

Словы by a single judge formation азначаюць, што рашэнне прынятае без склікання калегіі. Па правілах ЕСПЧ некаторыя скаргі можа адхіляць адзін суддзя, калі яны яўна непрымальныя.

У жніўні 2023 года Дэпартамент міграцыі Літвы адмовіў Карач у прытулку, бо Дэпартамент дзяржбяспекі палічыў яе пагрозай нацыянальнай бяспецы — праз яе сувязі з расійскай разведкай. Але актывістка атрымала часовы ДНЖ у Літве на гуманітарных падставах.

Каментары да артыкула