Pucin i Bajden pryniali prapanovu Makrona sustrecca ŭ Jeŭropie, kali nie budzie ŭvarvańnia va Ukrainu
Prezidenty Rasii i ZŠA Uładzimir Pucin i Džo Bajden pahadzilisia na zaprašeńnie francuzskaha kalehi Emanuela Makrona pravieści ŭ Jeŭropie samit pa biaśpiecy, paviedamili ŭ pres-słužbie Jelisiejskaha pałaca.
Fota: Denis Balibouse / EPA / TASS
«Jon (prezident Francyi Makron) prapanavaŭ pravieści samit pamiž prezidentam Bajdenam i prezidentam Pucinym, a zatym z usimi zacikaŭlenymi bakami ŭ pytańniach biaśpieki i stratehičnaj stabilnaści ŭ Jeŭropie. Prezidenty Bajden i Pucin pryniali pryncyp takoha samitu», — havorycca ŭ paviedamleńni.
Płan pieramovaŭ pavinny padrychtavać dziaržsakratar ZŠA Entani Blinkien i ministr zamiežnych spraŭ Rasii Siarhiej Łaŭroŭ, jakija pahavorać dadatkova 24 lutaha, piša RBK
Pres-sakratar Biełaha doma Džen Psaki adznačyła, što amierykanski prezident hatovy sustrecca z rasijskim kaleham pry toj umovie, kali nie budzie ŭvarvańnia va Ukrainu.