Paryž zajaviŭ ab padrychtoŭcy samita «dla vyznačeńnia novaha paradku» ŭ Jeŭropie
Jelisiejski pałac anansavaŭ sustrečy pradstaŭnikoŭ Francyi, Rasii, Ukrainy i ABSIE. Heta, pavodle jaho zajavy, pavinna dazvolić u budučyni sklikać sustreču na najvyšejšym uzroŭni dla vyznačeńnia «novaha miru i biaśpieki ŭ Jeŭropie».
Francyja anansavała płany pa praviadzieńni sustrečy «na najvyšejšym uzroŭni «dla vyznačeńnia novaha paradku miru i biaśpieki ŭ Jeŭropie». Pra heta havorycca ŭ relizie Jelisiejskaha pałaca pa vynikach pieramoŭ prezidenta Rasii Uładzimira Pucina i prezidenta Francyi Emanuela Makrona, paviedamlaje RBK.
Tam paviedamili, što dla dasiahnieńnia dypłamatyčnaha vyrašeńnia kryzisu na ŭschodzie Ukrainy ŭ najbližejšyja dni kiraŭnik MZS Francyi Žan-Iŭ Lo Dryan sustreniecca z rasijskim kaleham Siarhiejem Łaŭrovym. Akramia taho, płanujecca jak maha chutčej sklikać sustreču trochbakovaj kantaktnaj hrupy, u jakuju ŭvachodziać pradstaŭniki Rasii, Ukrainy i ABSIE.
«Hetaja dypłamatyčnaja praca pavinna dazvolić prasoŭvacca napierad z pryciahnieńniem usich zacikaŭlenych bakoŭ (jeŭrapiejcaŭ, sajuźnikaŭ, rasijanaŭ i ŭkraincaŭ), z tym, kab, pry vykanańni ŭmoŭ, pravieści sustreču na najvyšejšym uzroŭni i vyznačyć novy paradak miru i biaśpieki ŭ Jeŭropie», — havorycca ŭ paviedamleńni.
Razmova Pucina i Makrona adbyłasia ŭ niadzielu. Jak paviedamiŭ Kreml, rasijski prezident vykazaŭ surjoznuju zakłapočanaść z-za eskałacyi na Danbasie, ale zajaviŭ, što jaje spravakavali padkantrolnyja Kijevu siły.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary