Pucin paabiacaŭ Makronu, što vyviedzie vojski ź Biełarusi paśla vučeńniaŭ
Prezident Rasii Uładzimir Pucin u razmovie z francuzskim kaleham Emanuelem Makronam paćvierdziŭ namier vyvieści rasijskija vojski ź Biełarusi paśla zakančeńnia vučeńniaŭ, paviedamiŭ BFMTV sa spasyłkaj na Jelisiejski pałac.
«Uładzimir Pucin paviedamiŭ prezidentu Francyi ab svaim namiery vyvieści svaje vojski ź Biełarusi pa zakančeńni vučeńniaŭ», — havorycca ŭ paviedamleńni.
Adnak u Jelisiejskim pałacy adznačyli, što zajavy z boku Biełarusi nie supadajuć sa słovami Pucina.
20 lutaha pavinny byli zaviaršycca vučeńni «Sajuznaja rašučaść — 2022», adnak siońnia ministr abarony Biełarusi Viktar Chrenin paviedamiŭ ab praciahu manieŭraŭ u vyhladzie «pravierki sił reahavańnia Sajuznaj dziaržavy». Jon patłumačyŭ, što rašeńnie było pryniata «ŭ suviazi z narastańniem vajennaj aktyŭnaści la źniešnich miežaŭ Sajuznaj dziaržavy i abvastreńniem situacyi na Danbasie». Rasijskaje Minabarony pakul nie rabiła zajavaŭ pa hetym pytańni.
Čytajcie taksama:
Paryž zajaviŭ ab padrychtoŭcy samita «dla vyznačeńnia novaha paradku» ŭ Jeŭropie
Minabarony RB: «Biełaruś i Rasija vyrašyli praciahnuć sumiesnuju pravierku sił reahavańnia»
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?2
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju2828
Kamientary